Tölum um American Cocker Spaniel hunda

American Cocker Spaniel, einnig þekktur sem Cocker Spaniel, heldur sessi sínum sem ein eftirsóttasta hundategund heims. Hann var fyrst ræktaður sem veiðihundur og er tegundin vel þekkt fyrir silkikenndan feldinn og vingjarnlegt eðli. Bandaríska tegundin sker sig frá systurtegund sinni, English Cocker Spaniel, að því leyti að höfuðið og skrokkurinn eru minni og trýnið styttra en þessar tvær tegundir þróuðust með ólíkum hætti hvor sínum megin við Atlantshafið snemma á 20. öld. Cocker Spaniel hundar eru góðir fjölskylduhundar og traustir félagar sem eru alltaf til í að leika sér, fara í göngutúr eða bara kúra í sófanum.

Opinbert heiti: American Cocker Spaniel

Önnur heiti: Cocker Spaniel, Merry Cocker

Uppruni: Spánn

Slefmyndun		Heitt veður?
Snyrtiþarfir		Kalt veður?
Hármissir		Getur búið í íbúð?
Gelthneigð		Getur verið einn?*
Orka*	Lítil	Fjölskylduhundur?*
Samhæfni með öðrum gæludýrum

* Við mælum ekki með því að gæludýr séu skilin eftir í langan tíma. Félagsskapur getur komið í veg fyrir tilfinningalegt uppnám og eyðileggjandi hegðun. Ræðið við dýralækninn til að fá ráðleggingar.

Ekkert gæludýr er eins, jafnvel þó þau séu af sama kyni, og þetta yfirlit yfir sérkenni hvers kyns er aðeins til viðmiðunar.

Til að gæludýr séu ánægð og líði vel mælum við með því að það sé alið upp í samneyti við aðra og að séð sé fyrir grunnþörfum þess (og félagslegum og hegðunartengdum þörfum).

Skiljið gæludýr aldrei eitt eftir með barni.

Hafið samband við ræktandann eða dýralækninn til að fá frekari ráðleggingar.

Öll gæludýr eru félagslynd og vilja vera í samneyti við aðra. Það er samt sem áður hægt að kenna þeim að vera ein frá ungaaldri. Leitið ráða hjá dýralækni eða þjálfara til að aðstoða við þetta.

37 cm - 39 cm Height

11 kg - 13 kg Weight

34 cm - 37 cm Height

9 kg - 11 kg Weight

Ungviði	Fæðing til 2 mánaða
Hvolpar	2 til 12 mánaða
Fullorðnir	1 til 7 ára
Eldri	7 til 10 ára
Öldungar	Frá 10 ára aldri

1/7

Kynntu þér American Cocker Spaniel

Allt sem þú þarft að vita um tegundina

Hin tignarlega og hlýlega Cocker Spaniel tegund er einstök, eins og gríðarlegar vinsældir þess sýna: Frá því seint á fjórða áratug 20. aldar og fram á þann sjötta var Cocker Spaniel vinsælasta tegundin ár eftir ár hjá bandaríska hundaræktunarfélaginu, American Kennel Club. Disneykvikmyndin Lady and the Tramp, Hefðarfrúin og umrenningurinn, sem skartaði Lady, hefðarfrúnni, sem Cocker jók bara á vinsældirnar.

Tegundin hefur einnig átt fastan sess á hundasýningum þar sem glansandi feldurinn gleður áhorfendur þegar hundarnir þeytast um brautina. Það er auðvelt að þjálfa Cocker Spaniel-hunda og hlýðni- og fimikeppnir eru líka vinsæll viðkomustaður þeirra og þá eru þeir einnig notaðir sem meðferðarhundar.

Cocker Spaniel er í íþróttaflokki American Kennel Club. Hefurðu velt fyrir þér hvaðan heitið Cocker Spaniel kemur? Það er til komið vegna þess að þeir voru ræktaðir til veiða á skógarsnípu (e. woodcock). Hin vinalega Cocker Spaniel tegund er vel þekkt heima fyrir vegna vingjarnlegs eðlis og getu til að falla inn í fjölskylduna.

Til að ná sem mestu út úr Cocker Spaniel þarf þjálfun að hefjast snemma og vera með blíðlegum hætti. Tegundin er þekkt fyrir að vilja þóknast en skammir gera því ekki gott.

Silkikenndur feldurinn á stóran þátt í vinsældum tegundarinnar en það þarf líka að hafa fyrir honum. Stöðugt þarf að bursta Cocker Spaniel hundinum. Þessi stolti hundur nýtur sín best með blómlega lokka.

2/7

Tvær staðreyndir um bandaríska Cocker Spaniel hunda

1. Þessi löngu, fallegu eyru eru meira en aðlaðandi

Eitt auðekkjanlegasta einkenni Cocker Spaniel hunda eru löngu silkimjúk eyrun. Þau skal hreinsa reglulega til að vera á varðbergi gegn bólgum (aðskotahlutum, möl, ofnæmi) og til að hundinum líði vel.

2. Cocker Spaniel hundar snöggreiðst

Cocker Spaniel hundar geta glefsað eða bitið af ástæðulausu en þetta kallast „Cocker-æði“. Eftir á virðist hundurinn vera ringlaður og ómeðvitaður um það sem gerðist. Frægi enski Cocker Spanielklúbburinn telur þessa hegðun stafa af persónuleika og hugsanlegu slæmu uppeldi frekar en geðslagi tegundarinnar.

3/7

Saga tegundarinnar

Ein vinsælasta tegundin í Bandaríkjunum er talin eiga uppruna sinn frá Spáni en orðið „spaniel“ vísar til heimalands þess. Auðvelt er að rekja sögu Cocker Spaniel þar sem tegundin hefur notið gríðarlegra vinsælda um alla Evrópu í gegnum aldirnar vegna íþróttahæfileika sinna. Hundarnir voru fyrst og fremst notaðir við fuglaveiðar með netum, bogum og fálkum áður en rifflar komu til sögunnar. Spaniel hundar flokkuðust allir sem annaðhvort vatna-spaniel-hundar eða land-spaniel-hundar og Cocker er land-spaniel-hundur. Þróun Cocker Spaniel tók almennilega við sér á Englandi á 19. öld þegar sýningar- og tegundastaðlar voru allsráðandi. Tegundin skaraði fljótlega fram úr í hópi spaniel-tegunda.

American Cocker Spaniel greindist svo frá tegundinni en hundurinn naut mikilla vinsælda í Bandaríkjunum og American Kennel Club staðfesti kynið árið 1946 og á þeim tíma var það efst á listum félagsins 18 ár í röð. Ameríska tegundin sker sig frá þeirri ensku að því leyti að það hefur styttra höfuð og trýni og síðari feld. Hún er nú minnsta tegundin í íþróttaflokki American Kennel Club og er þekkt fyrir hæfileika sína við fuglaveiðar.

Vinsældir tegundarinnar jukust einnig gríðarlega um miðja 20. öld með útgáfu Disney myndarinnar Lady and the Tramp, eða Hefðarfrúin og umrenningurinn árið 1955 en þar var Lady eða hefðarfrúin Cocker Spaniel-hundur. Þá reis frægðarsól tegundarinnar enn hærra þegar það komst í Hvíta húsið þegar Nixon Bandaríkjaforseti fékk sér Cocker Spaniel hund. Checkers, sem var forsetanum til halds og trausts frá 1969–1974, lét þó aldrei neitt uppi um skoðanir sínar í stjórnmálum.

4/7

Frá toppi til táar

Líkamssérkenni bandarískra Cocker Spaniel hunda

1. Ears

Long silky ears, well-feathered fur.

2. Head

Strong yet soft and rounded head, distinctive very alert expression.

3. Body

Body is strong and compact without appearing stout, back is sloping and strong.

4. Tail

Tail extends slightly lower than back yet level, can at times be docked.

5. Coat

Coat can be flat or slightly wavy, short and fine on head, medium-length on body, feathered on ears, chest, abdomen, and legs.

5/7

Hlutir sem gæta skal að

Hér er að finna áhugaverðar staðreyndir um amerískan Cocker Spaniel hundinn, bæði sérkenni tegundarinnar og yfirlit yfir almenna heilsu

Heilnæmt fóður, heilbrigðari hundur

Hvolpur

Fullorðnir

Öldungar

Þegar fóður er valið fyrir Cocker Spaniel hund þarf að hafa marga þætti í huga: Aldur hans, lífsstíl, hreyfingu, líkamsástand og heilsu, ásamt hugsanlegum veikindum eða veikleikum. Fóður veitir orku til að sjá fyrir nauðsynlegri líkamsstarfsemi og heilnæm fóðursamsetning ætti að innihalda rétt magn næringarefna til að forðast skort eða of mikla næringu, en í báðum tilfellum hefur þetta skaðleg áhrif á hundinn.
Hreint og tært vatn ætti að vera fyrir hendi öllum stundum. Þegar heitt er í veðri, og sérstaklega þegar hundar eru úti að hreyfa sig, skal hafa vatn meðferðis til að þeir geti drukkið reglulega. Orkuinntöku þarf að aðlaga að veðurfari. Hundur sem er úti yfir veturinn gæti þarfnast meiri orku. Eftirfarandi ráðleggingar eru fyrir heilbrigð dýr. Ef hundurinn á við heilsuvandamál að stríða skal hafa samband við dýralækninn sem mun skrifa upp á sérstaka fóðrun.
Þarfir Cocker Spaniel hvolps hvað varðar orku, prótein, steinefni og vítamín eru mun meiri en hjá fullorðnum hundum. Hvolparnir þurfa orku og næringarefni til að viðhalda líkamanum, en einnig til að stækka og byggja hann upp. Ónæmiskerfi Cocker Spaniel hvolpa þróast smátt og smátt fram að 12 mánaða aldri. Blanda andoxunarefna, þar á meðal E-vítamíns, getur styrkt ónæmiskerfið á þessum tímum sem einkennast af miklum breytingum, reynslu og nýjum kynnum. Meltingargeta hvolpanna er ekki sú sama og hjá fullorðnum hundum: Meltingarkerfið er ekki enn þroskað og mikilvægt er að veita auðmeltanleg prótein sem líkaminn getur notað á skilvirkan hátt. Góðgerlafæði (e.pre-biotics), t.d. frúktó-ólígósakkaríð, stuðla að góðri meltingargetu með því að koma jafnvægi á meltingarflóru og leiða til góðra hægða.
Tennur hvolpsins, sem eru í byrjun mjólkurtennur og verða svo að fullorðinstönnum, eru mikilvægur þáttur sem taka þarf tillit til þegar stærð, lögun og harðleiki fóðurkúlna eru ákveðin. Viðhald húðar og felds Cocker Spaniel hunda þarfnast mikilvægra næringarefna, svo sem omega-3 fitusýra (EPA og DHA), A vítamíns og hjólkrónuolíu. Þessu stutta vaxtartímabili fylgja miklar orkuþarfir og fóðrið verður að hafa mikið næringarinnihald (sett fram sem kcal/100g af mat), en magn annarra næringarefna er einnig hærra í fóðri fyrir hvolpa á vaxtartíma. Mælt er með að skipta daglegum næringarþörfum í þrjár máltíðir þar til hvolparnir verða sex mánaða en þá er skipt yfir í tvær máltíðir á dag. Forðast skal að gefa Labrador hundum matvæli fyrir fólk eða feitar millimáltíðir. Þess í stað skal launa þeim með fóðurkúlum sem falla innan daglegrar næringarinntöku og fylgja leiðbeiningunum sem áletraðar eru á pakkann til að koma í veg fyrir of mikla þyngdaraukningu.

Aðal næringarþarfir fullorðinna Labrador Retriever hunda eru:
Viðheldur kjörþyngd með aðlöguðu kaloríuinnihaldi, auknu próteinmagni og L-karnitíni sem á þátt í heilbrigðri fitubrennslu. Labrador Retriever hundar eru vel þekktir fyrir að vera gráðugir og fyrir tilhneigingu til að þyngjast. Sérstök hönnun á lögun fóðurkúlna getur einnig hjálpað til við að draga úr því hversu hratt þeir éta.
Stuðla skal að heilsu beina og liðamóta með glúkósamíni, kondróitíni, andoxunarefnum og EPA-DHA.
Stuðlar að heilsu og fegurð húðarinnar og feldsins með víðbættum nauðsynlegum fitusýrum (sér í lagi EPA og DHA), nauðsynlegum amínósýrum og B-vítamínum til að styðja við „hindrunareiginleika“ húðarinnar.
Stuðla skal að meltanleika, hágæða próteini og jafnri inntöku trefja.

Eftir 5 ára aldur byrja Labrador Retriever hundar fyrst að sýna ellimerki. Fóðurblanda sem inniheldur aukið magn andoxunarefna stuðlar að því að viðhalda lífsorkunni og sérstök næringarefni, t.d. kondróítín og glúkósamín, stuðla að heilbrigði beina og liðamóta. Með öldrun breytast einnig meltingargeta og næringarkröfur hundanna og fóður fyrir eldri Labrador Retriever hunda ætti að hafa eftirfarandi eiginleika:
Aðlöguð inntaka fitu og kaloría hjálpar til við að viðhalda góðri þyngd og inntaka próteins og L-karnitíns stuðlar að vöðvamassa
Hærra C- og E-vítamínmagn Þessi næringarefni hafa andoxunareiginleika sem stuðla að vörn líkamsfrumna gegn skaðlegum áhrifum oxunarstress sem leiðir til öldrunar
Hágæða prótein. Minnkun próteinmagns í fæði spilar lítinn þátt í að sporna við lifrarbilun, en fólk hefur oft ranghugmyndir hvað þetta varðar. Þar að auki nýta eldri hundar prótein úr fóðri verr en yngri hundar. Með því að minnka fosfórinnihald er hægt að hægja á skaða á nýrnavirkni
Hærra magn snefilefna, svo sem járns, kopars, sinks og mangan, stuðlar að góðu ástandi húðar og felds.
Meira magn fjölómettaðra fitusýra (ómega-3 og ómega-6 fitusýra) til að halda feldinum í góðu ástandi. Hundar geta yfirleitt myndað þessar fitusýrur, en með aldrinum getur ferlið skerst.
Með aldrinum þjást hundar í auknum mæli af tannkvillum. Til að tryggja að þeir haldi áfram að borða nægilegt magn þarf stærð, lögun og áferð fóðurkúlnanna að henta kjaftinum. Rétt lögun fóðurkúlnanna stuðlar að minni fóðurinntöku og hjálpar hundinum og viðhalda heilbrigðri líkamsþyngd.

6/7

Umönnun bandarísks Cocker Spaniel

Gljáandi feldur Cocker Spaniel er eitt það flottasta við hundinn. Sléttur og fínn feldurinn hefur gert tegundina eftirtektarverða á hundasýninum í fjölda áratuga og þeir hafa oft unnið fyrstu verðlaun. Hárin eru mestmegnis stutt, en síðara í kringum eyrun, skottið, loppurnar, bringuna, bak framfótanna og afturfótanna og á sumum hlutum andlitsins. Burstið Cocker Spaniel daglega til að halda feldinum í góðu ástandi. Ekki hika við að leita til hundasnyrtis til að Cocker Spaniel hundurinn líti sem best út. Fagfólk veit hvernig á að meðhöndla þessi erfiðu svæði þar sem áferð feldsins getur orðið mött og hárin flækst. Bláu borðarnir geta beðið...

Eins og með marga hreinræktaða hunda ætti að hefja þjálfun snemma svo hún skili sem mestum árangri. Cocker Spaniel hundar eru mjög móttækilegir hundar og hafa ríkan vilja til að þóknast eigendum sínum en eiga sér mjúka hlið. Mestum árangri skilar að þjálfa þá með þolinmæði og blíðu að leiðarljósi. Jafnvel það að nota rólegan raddblæ mun kalla fram betri viðbrögð en að nota sterkan tón þegar skipanir eru gefnar. Staðfesta er lykillinn að því að aga Cocker Spaniel hundinn, ekki harka. Þeir eru mjúkir að innan sem utan. Cocker Spaniel hvolpar munu dafna á hvolpaþjálfunarnámskeiðum þar sem allt það skemmtilega snýst í raun líka um reglur. Eins og hjá mörgum tegundum er matur mikill hvati fyrir Cocker Spaniel þegar kemur að verðlaunum fyrir góða hegðun.

Cocker Spaniel hundar hafa gaman af því að hlaupa og fara í langa göngutúra og ættu að gera það daglega. Fágað útlit þeirra gerir það að verkum að margir eigendur gleyma að þetta er hlaupaglaður spaniel hundur og þótt hann sé sá minnsti af slíkri tegund þarfnast hann mikillar hreyfingar. Þetta er hlaupafús tegund sem vön er að vera utandyra löngum stundum og þarf á því að halda, jafnvel þótt það séu tvær gönguferðir eða léttir hlaupatúrar á dag. Æfingar fyrir Cocker Spaniel hunda geta falið í sér margs konar athafnir á borð við að sækja uppáhaldsboltann eða leika sér með fjölskyldunni í garðnum en þessi tegund hefur einstaklega gaman af því að leika sér. Það er lítið mál að halda Cocker Spaniel hundi uppteknum ef fólk og fjör kemur við sögu.

Um American Cocker Spaniel-hunda

Labrador Retriever Puppy

View Product

Labrador Adult

View Product

10 toxic foods you shouldn't give your dog

Let’s talk about dog skin allergies

Adult Golden Retriever lying down inside on a blue dog bed.

Is my dog overweight?

Heimildir

1 - Veterinary Centers of America https://vcahospitals.com/

2 - Royal Canin Dog Encyclopaedia. Útg. 2010 og 2020

3 - Banfield Pet Hospital https://www.banfield.com/

4 - Royal Canin BHN Product Book

5 - American Kennel Club https://www.akc.org/

Tölum um American Cocker Spaniel hunda

Kynntu þér American Cocker Spaniel

Tvær staðreyndir um bandaríska Cocker Spaniel hunda