Blómlegt mannlíf

Það er í anda ROYAL CANIN að fólk vinni að eigin markmiðum og áformum á vinnustaðnum. Innan Royal Canin er samfélag fólks sem skarar fram úr í sjálfbærni og er hópurinn kallaður GoGreen. Þessi hópur er í sjálfboðavinnu við að innleiða umhverfisvænar og félagslega vistvænar lausnir á vinnustöðvum okkar með því að endurvinna, finna nýjar leiðir til að fara á milli staða og allt þar á milli. Við stefnum að samstarfi á þessu sviði við önnur fyrirtæki í nágrenni við okkur og að GoGreen-samfélag verði í öllum skrifstofum Royal Canin.

Við hjá Royal Canin erum knúin áfram af þeirri trú að gæludýr geri líf okkar betra. Þess vegna göngum við á undan með góðu fordæmi og erum gæludýravænn vinnuveitandi. Með því að gera starfsfólki okkar kleift að koma með gæludýr sín á skrifstofuna veitum við grunninn að menningu sem miðast við og hvetur til gæludýrahalds. Fyrir árið 2020 verða allar skrifstofur okkar gæludýravænar.

Fulltrúar okkar um allan heim aðstoða við að gera heiminn betri með því að stuðla að gagnkvæmum ávinningi reksturs okkar og lífs þeirra sem við snertum. Þeir eru ekki ofurhetjur en þeir gera alltaf það sem skiptir máli þegar þeir eiga þess kost. Fulltrúar okkar geta byggt upp langvarandi og þýðingarmikil sambönd í samfélagi sínu með sjálfboðnu starfi sem fyrirtækið styrkir með launagreiðslum.

Við hvetjum fulltrúa okkar til að taka þátt í sendiherraverkefni Mars og stefnum að því að í árslok 2020 verði 15% af sendiherrum Mars fulltrúar ROYAL CANIN. Verkefnið gefur útvöldum fulltrúum, hvar sem er í heiminum, tækifæri á að auka þekkingu sína og færni um leið og þeir byggja upp öflugt samstarf um allan heim.

Við vinnum stöðugt að því að búa til og viðhalda frábærum vinnustöðum þar sem liðsfélagar okkar, 7.500 talsins, geta dafnað. Í því felst að leitast við að tryggja að mannréttindi þeirra séu virt og að við séum í góðum tengslum við samfélögin sem við störfum í.

Liður í þessu verkefni er: að þjálfa liðsfélaga í að fylgja alheimsleiðbeiningum okkar um siðareglur og hlítni, sem útskýra gildi okkar og væntingar hvað varðar mannréttindi, að tryggja öllum liðsfélögum aðgang að trúnaðarmanni á staðnum sem þeir geta leitað til og tilkynnt um vandamál sem upp koma á vinnustaðnum í trúnaði og undir nafnleysi, og að veita óháðum úttektaraðilum aðgang að öllum vinnustöðum okkar til að leggja mat á hversu vel mannréttindum er fylgt eftir og tryggja að tekið sé á því ef einhver mál koma upp.